श्री राम लक्ष्मण की आरती
अति सुख कौसिल्या उठि धाई।
मुदित बदन मन मुदित सदन तें,
साजि सुमित्रा ल्याई।।
जनु सुरभी बन बसति बच्छ, बिनु,
परबस पसुपति की बहराई।
चली साँझ समुहाइ स्त्रवत थन,
उमँगि मिलन जननी दोउ आई।।
दघि-फल-दूब कनक-कोपर भरि,
साजत सौंज विचित्र बनाई।
अभी-वचन सुनि होत कोलाहल,
देवनि दिवि दुंदभी बजाई।।
बरन-बरन पट परत पाँबडे़,
बीथिनि सकल सुगंध सिंचाई।
पुलकित-रोम, हरष-गदगद-स्वर,
जुवतिनि मंगल-गाथा गाई।।
निज मंदिर मैं आनि तिलक दै,
दुज-गन मुदित असीस सुनाई।
सिया-सहित सुख बसौ इहाँ तुम,
सूरदास नित उठि बलि जाई॥